ბეტონის აუზის მშენებლობა მიზანშეწონილობის ჭრილში

ბაზარზე ბოჭკოვანი მინისგან დამზადებული (მინაბოჭკოვანი) აუზების გამოჩენის შემდეგ ყველას აინტერესებს – რომელია უკეთესი: მინამოჭკოვანი აუზის მონტაჟი, თუ ბეტონის აუზის მშენებლობა? ამ შეკითხვას განაპირობებს ის გარემოება, რომ ფირმების უმრავლესობა დასპეციალიზებულია მხოლოდ ერთი სახეობის აუზის მშენებლობაზე. ამიტომაც გასაკვირი არ უნდა იყოს, თუ რომელიმე კომპანია ასრულებს მინაბოჭკოვანი აუზების მონტაჟს, იგი მხოლოდ ამ კომპოზიტური აუზების გაღმერთებით არის დაკავებული. პირიქით არის მათთვის, ვისი მთავარი ბიზნეს მიმართულება ბეტონის აუზების მშენებლობაა. რა თქმა უნდა, ამ უკანასკნელის რეკლამირებით არიან დაკავებულნი და ვერც კი წარმოუდგენიათ, როგორ შეიძლება აუზის აშენება ბეტონის გარეშე.

ჩვენ გაგიმარტივებთ არჩევანის გაკეთების პროცედურას და შემოგთავაზებთ რამოდენიმე ფაქტორს იმისათვის, რათა მიიჩნიოთ ბეტონის აუზის მშენებლობა თქვენთვის საუკეთესო გადაწყვეტილებად.

რატომ უნდა აირჩიოთ ბეტონის აუზი:

• გსურთ ძალიან რთული ფორმის ან ზომების (როგორც წესი, სიგრძეში 12 მეტრზე მეტი და სიგანეში 4 მეტრზე მეტი) აუზის მშენებლობა. ასეთი დიდი ზომის აუზების შემოთავაზება ტექნიკურად აღარ შეუძლიათ კომპოზიტური, ანუ იგივე, მინაბოჭკოვანი აუზების მწარმოებლებს.
• გნებავთ, რომ თქვენი აუზის სიღრმე აღემატებოდეს 2 მეტრს იმისათვის, რათა შეძლოთ ტრამპლინის დაყენება და დიდი სიმაღლიდან აუზში ხტომით დატკბეთ.
• თქვენთვის სირთულეს არ წარმოადგენს აუზის მოპირკეთებული ზედაპირის ყოველწლიურად ერთხელ მცირე რემონტისა და 8 წელიწადში ერთხელ კი კაპიტალური რემონტის წარმოება.
• საკმარისი დროის გამოყოფა შეგიძლიათ კვირაში ერთხელ ბეტონის აუზის ზედაპირის დასასუფთავებელი სამუშაოებისათვის.
• გსურთ, რომ თქვენი ბეტონის აუზის მშენებლობაში გამოყენებულ იქნას ბუნებრივ მასალათა მაქსიმუმი.
• თქვენს ნაკვეთზე გსურთ შექმნათ ნამდვილი პლაჟის სრული ვერსიის იმიტაცია.
• თქვენ საკმარისად გაგაჩნიათ დრო, დაგეგმოთ ბეტონის აუზის პროექტირება და მშენებლობა, რასაც ესაჭიროება 4–დან 7 თვემდე.
• დაბოლოს, მზად ხართ გაიღოთ საკმაოდ დიდი ხარჯები საკუთარი აუზის ასაშენებლად.

დასასრულ, უნდა აღინიშნოს, რომ არსებობს ობიქტური მიზეზები იმისათვის, რომ ბეტონის აუზის მშენებლობა ერთადერთ მიზანშეწონილ ვარიანტად აღმოჩნდეს. თუ ზემოთ ჩამოთვლილი 8 ფაქტორი თქვენთვის საკმარისი აღმოჩნდება გადაწყვეტილების მისაღებად, ჩვენი ეს მცირე მისიაც შესრულებული იქნება. მზად ვართ საუკეთესო სულისკვეთებითა და საქმიანი მიდგომით ფრთები შევასხათ თქვენს ლამაზ ოცნებას.